Vælkomin í missiónshúsið Libanon í Sørvági

Dec 02 2017

Áralag - myndir frá tiltakinum

Leygarmorgunin hin 25. november 2017, kl. 10 - 12, var tiltak í Libanon, sum vit nevna Áralag.

Hetta er løta har samkoman kemur saman at hugna sær. Byrjað varð við morgunmati. Síðan var breybróting, sum Jógvan Steintún skipaði fyri.

Tórhallur Halgaklett, formaður í Libanon, segði so nøkur orð, og eftir tað var kapping at gera vakrasta kakuhúsi. Hesum skipaði Mia av Kák Joensen fyri. Sonni varð settur at vera dómari. Átta kakuhús vórðu gjørd, og vóru tey øll vøkur og væl eydnað upp á hvør sína máta. Tað vóru familjur ella húski, sum høvdu tikið seg saman um hvørt húsið.

Vinnandi kakuhúsið gjørdu Vivian, Karin og Sigrun við familjum og tey fingu ein lítlan vinning.

20171125 01

20171125 02

20171125 03

20171125 05

20171125 06

20171125 07

Vinnandi kakuhúsið.

02-12-2017 sj.

Nov 29 2017

Bøn og lovsangur fyri Vágoynni

Í kvøld (mikukvøldið, 29. nov.) bjóða Niels Petur og Laila Fagraberg inn til bøn og lovsang fyri Vágoynni heima hjá teimum frá kl. 20 til uml. kl. 22 á Tvørgarðsgøtu 23 (uppiá!) í Miðvági.

 

"Vit eru nøkur úr ymsum meinigheitum úr allari oynni, ið saman hava tikið stig til hetta tiltakið, tí at tað treingir til.

Vit hava sum trúgvandi skyldu til, at standa saman í bøn fyri okkara landi, oyggjum, bygdum og fólki. Og at lovprísa Gudi saman er eitt so genialt og fantastisk amboð at brúka í andaligari krígsførslu.

Vit eru komin saman eini 4-5 ferðir fyrr og tað hevur verið fantastiskt!

Tað er í Guds nærveru, at vit verða broytt!"

 

Verð vælkomin!

Sep 05 2017

Guds nærvera - sum í Himli so á jørð

 

"Komi Ríki Títt, verði vilji Tín, sum í Himli so á jørð" Matt. 6:10.

Hesa bøn biðja flestu føroyingar javnan í bønini Faðir vár, men hvat merkir bønin í grundini?

Okkara ynski er ikki bert at koma til Himmals, tá vit doyggja, men eisini at Himmalin skal koma til okkara, meðan vit liva.

At Guds Ríki skal koma, og at Guds vilji skal vera her á jørð eins og í Himli. Í Guds Ríki eru lív, gleði, friður, frælsi, grøðing, kærleiki, eingin sjúka, eingin øvund o.s.fr. Hetta ynskja vit eisini í okkara samkomum.

Tí fara vit á hesi stevnu at seta sjóneykuna á Guds nærveru. Vit ynskja at fáa meir av Gudi, og at fáa lut í øllum tí, sum tað inniber.

Vit hava boðið Steinar Lofnes og Fredrik Skoglund úr Jesusfellesskapet í Bergen hendanvegin at undirvísa um evnið.

Teir hava í mong ár livað og havt sína tænastu út frá Guds nærveru. Báðir hava nógvar sterkar upplivingar og søgur at fortelja, og vit vænta at Gud kemur at brúka teir á ein serligan hátt á stevnuni. Forbøn verður eftir hvørt møti, og í bønarrúminum verður áhaldandi bøn og lovsangur.

Jul 09 2017

Útimøtini eru byrjað

Agnar

Seinasta sunnudag, 2. juli kl. 16 var fyrsta útimøti hjá Libanon í ár á Stakka í Sørvági, har útimøtini hava verið seinastu árini.

Tað var Agnar Joensen úr Sandavági (myndin), sum talaði. Tórhallur leiddi og Heini stóð fyri teknikkinum.

Í dag, 9. juli kl. 16 verður so næsta útimøti. Í dag vera tað Bjarni og Jannet Steintún, som koma at tala.

Les meira...
May 14 2017

Hvítusunnustevna í Libanon

holy-spirit-filled

Í apostlasøguni, 2. kapittli lesa vit um tí fyrstu kristnu hvítusunnuna, tá Heilagi andin kom til jarðar. Við hesum var Jesu lyfti, um at hann vildi senda Heilaga andan, uppfylt. Og profetiini í G.T. um tað sama: Jesaja 32, Eskiel 36 og Jóel 3.

Á Jesu og apostlanna døgum varð jødiska hvítusunnan hildin í templinum í Jerusalem. Jødarnir halda hvítusunnu til minnis um sáttmálan, sum varð gjørdur á Sinai fjalli, har Móses fekk tey 10 boðini frá Gudi.

Les meira...
Mar 11 2017

Tíðindir um Libanon

Missiónshúsið Libanon 1979

Leiðslan fyri Libanon er samd um, at frameftir fara vit at royna at hava eitt sindur meira lív í heimasíðuni. Ein kann tó ikki vænta dagligar dagføringar, men undan størri tiltøkum og tá okkurt áhugavert hendir í húsinum.

Og eisini um hvørjar ætlanir leiðslan arbeiðir við, so at serliga tey, sum ganga í húsinum, skulu kenna seg meira kunnað.

Les meira...

Vit eru eisini á Facebook:

Sunnudagin, 21. januar

  • Kl. 14: Sunnudagsskúli
  • Kl. 17: Møti, Sonni Jacobsen talar

Sunnudagin, 28. januar

  • Kl. 14: Sunnudagsskúli
  • Einki møti vegna missiónsviku í Meinigheitshúsinum Saron í Sandavági

Sunnudagin, 4. februar

  • Kl. 14: Sunnudagsskúli
  • Kl. 17: Møti, Agnar F. Joensen talar
    • Barnaansing, innsavnan og nátturði

Sunnudagin, 11. februar

  • Kl. 14: Sunnudagsskúli
  • Møguliga verður meinigheitsfundur kl. 17

Sunnudagin, 18. februar

  • Kl. 14: Sunnudagsskúli
  • Kl. 17: Møti, Elisabeth Hvítklett Joensen talar

Sunnudagin, 25. februar

  • Kl. 14: Sunnudagsskúli
  • Kl. 17: Møti, Lovinda Halgaklett talar

Sunnudagin, 4. mars

  • Kl. 14: Sunnudagsskúli
  • Kl. 17: Møti
    • Barnaansing, innsavnan og nátturði

Sunnudagin, 11. mars

  • Kl. 14: Sunnudagsskúli
  • Kl. 17: Møti, Vitjan úr Filadelfia í Havn
    • Manuel James Delgado

Sunnudagin, 18. mars

  • Kl. 14: Sunnudagsskúli
  • Einki møti vegna ferming

Sunnudagin, 25. mars

  • Kl. 14: Sunnudagsskúli
  • Einki møti vegna ferming